ШӨХТГ-аас орон сууцны даатгалын чиглэлээр үйл ажиллагаа явуулдаг даатгалын компаниудыг шалгасан билээ. Ингэхдээ “Хаан даатгал” ХХК, ОСНААУГ-тай хамтран иргэдээс 269.1 сая төгрөгийг хууль бусаар авсан нь илэрсэн юм. Тиймээс зөрчлийг арилгуулах үүднээс ОСНААУГ-ын дарга Ч.Бямбажавт албан шаардлага хүргүүлсэн аж. Мөн иргэдэд их хэмжээний хохирол учруулсан Ч.Бямбажавт хариуцлага тооцохыг нийслэлийн Засаг дарга Э.Бат-Үүлээс хүссэн аж. Харин хотын дарга энэ хүсэлтийг нь шийдвэрлээгүй учраас ШӨХТГ-аас дараагийн арга хэмжээг авахаар болжээ. Ингэхдээ холбогдох хуулийг үндэслэн ОСНААУГ-ын дарга Ч.Бямбажавыг АТГ болон Цагдаагийн Ерөнхий газрын Эрүүгийн цагдаагийн газарт шалгуулахаар болсон байна. Түүнийг албан тушаалаа урвуулан ашиглаж, иргэдэд онц их хэмжээний хохирол учруулсан энэ үйлдэл нь гэмт хэргийн шинжтэй учраас хуулийн байгууллагад хандаж буй аж.