Бурхан багшийн их дүйчин өдөр ирэх зургадугаар сарын 2-ны өдөр тохионо. Үүнтэй холбогдуулан, Мон­голын бурхан шашны төв Гандантэгчэнлин хийд, бур­хны шашны чиглэлээр үйл ажил­лагаа явуулдаг төрийн бус бай­гууллага, төвүүд хамтран “Бур­хан багшийн их дүйчин өд­рийн баяр” болгон хоёр дахь жил­дээ тэмдэглэж, нийтийн сайн сайхны төлөө энэрэнгүй сэт­гэлийг эрхэмлэн хүүхдэд ээл­тэй нийгмийг төлөвшүүлэх уриал­гыг дэвшүүлж байгаа юм бай­на. 

Энэхүү баярын хүрээнд энэ сарын 21-ний өдрөөс эхлэн бү­тэн сарын турш нийтээр Маань хөг­жөөх буяны арга хэм­жээг Ган­дантэгчэнлин хий­дэд өдөр бүр 18.30-22.30 цагийн хоо­ронд зохион байгуулж бай­гаа гэнэ. Мөн Түлэнхийн төвд шаардлагатай судас ха­рагч ап­парат бэлэглэх хүмүүн­лэ­гийн үйл ажиллагаа явуулж бай­гаа аж. Учир нь тү­лэгд­сэн хүүхдийн судас оло­ход маш хүндрэлтэй байдаг бө­гөөд энэ аппарат жилдээ 1000 гаруй өвчтөнд үйлчлэх хү­чин чадалтай юм байна. Өв­чин­дөө шаналж байгаа бяц­хан үрсэд нэн хэрэгцээтэй ч Монгол Улсад байхгүй байгаа уг аппаратыг шашны чиглэлээр үйл ажиллагаа явуулдаг төрийн бус байгууллагууд санаачлан өгч байгаа гэнэ. 

Харин баярын өдөр хүндэт­гэ­лийн жагсаалыг зохион бай­гуу­лахаар төлөвлөсөн байна. Бур­хан багшийн гурван гол үйл явдлыг харуулсан сэрэг дү­рийг залсан энэхүү жагсаал энэ сарын 31-ний өдөр буюу ирэх ням гарагийн 14.00-17.00 цагийн хооронд Их эзэн Чингис хааны нэрэмжит тал­бай­­гаас-Энхтайваны өргөн чө­­лөө­гөөр-Гандантэгчэнлин хий­дийн чиглэлд өрнөх аж. Уг ёс­лол хүндэтгэлийн жагсаалд Ерөн­хийлөгчийн Тамгын газар, НЗДТГ, нийслэлийн Аялал жуулч­лалын газар, Баянгол дүүр­гийн иргэд, 16 төрийн бус бай­гууллага, оюутан залуус, ах­мад настнууд хамтран орол­цох ажээ.

Бурхан багшийн дүйчин өд­рийн ёслолын арга хэм­жээний хүрээнд олон сай­хан ажил хийхээр төлөвлөөд бай­гаа гэнэ. Түүнчлэн Бурхан Буд­дагийн эхээс мэндэлсэн, гэгээр­лийн хутгийг олсон, нир­­ваан дүрийг үзүүлсэн гур­ван үйл явдал давхцдаг Их Дүй­чин өдрийг Бурхны ша­шин дэл­гэрсэн Ази болон Ев­ро­пын улс орнуудад баярын өдөр бол­гон тэмдэглэдэг уламж­лал­тай. Тэгээд ч Бурхан баг­шийн дүйчин өдрийг НҮБ-аас албан ёсны баяр болгон тэм­дэг­лэдэг.

Б.Дэжид