Балбын Элчин сайд талархал илэрхийлжээ
2015-05-30 11:34

Өнгөрсөн дөрөвдүгээр сард Балба Улсад болсон газар хөдлөлтийн улмаас 8000 гаруй хүн амиа алдаж, 14000 орчим хүн шархдаж, олон арван байшин, барилга нурж сүйдсэн. Сэргээн босгох ажиллагаа болон хохирсон иргэдэд хандан дэлхийн олон улс орон, байгууллагын зүгээс Балба Улсад хүмүүнлэгийн болон санхүүгийн тусламж үзүүлсээр байна.

 

Монгол Улсаас БНЭУ-д суугаа Элчин сайд С.Баяраа Монгол Улсын Засгийн газраас Балбын ард түмэнд тусламжаар илгээсэн эм, эмийн бүтээгдэхүүнийг тус улсад суугаа Балба Улсын Элчин сайд ноён Дип Кумар Упадхаяад хүлээлгэн өгчээ. Элчин сайд ноён Дип Кумар Упадхаяа хүнд хэцүү цагт хүмүүнлэгийн тусламж үзүүлж байгаа Монгол Улсын Засгийн газар болон ард түмэнд чин сэтгэлийн талархал илэрхийлсэн байна.

Shuud.mn
Сонин хачин