Монголын Сагсан бөмбөгийн шигшээ багийн тамирчин Т.Санчир Филиппиний “Гинебра Сан Мигель” багтай байгуулсан гэрээгээ цуцалснаа өөрийн цахим хуудсаар дамжуулан мэдэгджээ. Тэрбээр фэйсвүүк хуудсанаа “За ямартай ч чадах бүхнээ хийлээ. Надад боломж олгохыг дасгалжуулагч анхнаасаа хүсээгүй. Гэхдээ энэ асуудлыг би өөрийн зүгээс анх тавьсан. Эвтэйхэн байдлаар ярилцаад, өнөөдөр шийдэгдлээ. Хэлний тал дээр асуудал тийм ч их байсангүй. Сагсан бөмбөг нэг хэлтэй болохоор. Дэмжсэн бүх хүмүүстэй болон Bold Maagii-даа баярлалаа. Их туршлага боллоо” хэмээн бичжээ.

Тэрбээр өнгөрсөн дөрөвдүгээр сард Филиппиний багтай гэрээ байгуулж, нэг тоглолтын гараанд гарсан юм. Харин дасгалжуулагчийн үл ойлголцлоос болж, гэрээгээ цуцалж буй аж.