С.Ганбаяр, Т.Чинтогтох, Т.Шинэзориг, Н.Ганбадрал, Б.Намхай нарт холбогдох эрүүгийн хэргийг Дүүргийн эрүүгийн хэргийн анхан шатны 2 дугаар шүүх өчигдөр эцэслэн шийдвэрлэжээ.
Шүүхээс шүүгдэгч Т.Чинтогтох, Т.Шинэзориг, Н.Ганбадрал нарын биечлэн эдлэх ялыг 25 жилийн хугацаагаар, шүүгдэгч С.Ганбаяр, Б.Намхай нарын биечлэн эдлэх ялыг тус бүр 23 жилийн хугацаагаар тогтоож, шүүгдэгч С.Ганбаяр, Т.Чинтогтох, Т.Шинэзориг, Н.Ганбадрал, Б.Намхай нарын ял эдлэх дэглэмийг чанга дэглэмтэй эрэгтэйчүүдийн хорих ангид эдлүүлэхээр зааж шийдвэрлэсэн байна.
Дүүргийн 2 дугаар Прокурорын газраас Эрүүгийн хуулийн тусгай ангийн 91 дүгээр зүйлийн 91.2.1, 91.2.6, 91.2.7, 91.2.11, 91.2.12, 91.2.16, Эрүүгийн хуулийн ерөнхий ангийн 36 дугаар зүйлийн 36.2-т заасныг журамлан Эрүүгийн хуулийн тусгай ангийн 234 дүгээр зүйлийн 234.1-д зааснаар тус тус ял сонсгож, яллах дүгнэлт үйлдэж ирүүлжээ.