Нөөцийн махны 65 хувийг борлуулжээ
2015-6-10

Улаанбаатар, Эрдэнэт, Дархан хотуудад махны 6 компани нийт 14.5 мянган тонн нөөцийн мах бэлтгэж дөрөвдүгээр сарын нэгнээс худалдаанд гаргасан.

 

Энэ сарын нэгний байдлаар 9.1 мянган тонн махыг борлуулжээ. Энэ нь нийт нөөцийн махны 65 % аж.


“Хүнсний гол нэрийн бараа, бүтээгдэхүүний үнийг тогтворжуулах” дэд хөтөлбөрийг хэрэгжүүлэх ажлын хүрээнд Улаанбаатар хотод “Баатарууд тэнгэр” ХХК Баянзүрх, Хан-Уул, Чингэлтэй дүүргүүдэд 100 гаруй дэлгүүрээр, “Эй Эн Ди Эм” ХХК нь Сүхбаатар, Баянзүрх, Багануур дүүргийн 80 дэлгүүрээр, “Мах импекс” ХХК Сонгино хайрхан дүүргийн 40, Чингэлтэй дүүргийн 33, Төв аймгийн 10 дэлгүүрээр, “Мах маркет” ХХК Сонгино хайрхан, Баянгол дүүргийн 47 дэлгүүртэй гэрээ байгуулан, нийт 80 орчим худалдааны цэгээр худалдаалж байна.

 

Мөн хотын Захирагчийн Ажлын Албаны шийдвэрээр энэ сарын 23-наас эхлэн долоодугаар сарын 31-нийг хүртэл амралтын өдрүүдэд “Мишээл экспо”, “Скай”, ”Оргил” зэрэг томоохон худалдааны төвийн гадна талбай, “Далай ээж”, “Бөмбөгөр”, “Бүрд”, “Орхон” зэрэг хүнсний захуудын борлуулж буй.

Shuud.mn
Сонин хачин