БНХАУ-ын Өвөр Монголын өөртөө засах орны Улсын газар шороо, эх баялгийн тэнхим (яам)-тэй Уул уурхайн салбарт хамтран ажиллах тухай Санамж бичигт байгуулжээ. Уг санамж бичигт АМГ-ын даргын үүргийг түр орлон гүйцэтгэгч Д.Үүрийнтуяа, Өвөр Монголын өөртөө засах орны Улсын газар шороо, эх баялгийн тэнхим (яам)-ний дэд дарга Ху Зи Чин нар гарын үсэг зурсан байна.

Уг Санамж бичиг хэрэгжсэнээр геологи, уул уурхайн салбарын мэргэжилтнүүдийг мэргэшүүлэх, сургах, Монгол орны нутаг дэвсгэрийн зарим хэсэгт 1:50000 масштабын геологийн зураглал, ерөнхий эрлийн ажил гүйцэтгэх чиглэлээр хамтран ажиллах аж.