НАМЗХ-ны V чуулган өчигдөр болсон.  Чуулганы өмнө тус холбооны гишүүдийн хооронд албан тушаалын төлөөх ширүүхэн талцал өрнөсөн билээ. Ардын намын залуучуудын хооронд бэлтэй, бэлгүй айлын хүүхдүүдээрээ талцан эрх мэдлийн төлөөх тулаан өрнөсөн билээ.

МАН-ын Удирдах зөвлөл өнгөрсөн баасан гаригт хуралдаж, НАМЗХ-ны гишүүдэд үүрэг чиглэл өгчээ. Тухайлбал, НАМЗХ-ны гишүүний нас 18-35 байна гэсэн хязгаарыг хэвээр үлдээх. 18-35 нас хэтэрсэн залуусыг НАМЗХ-ны V чуулганд хасах эрхтэйгээр оролцуулах, 2016 оны сонгуулийн бэлтгэл хангаж, залуучуудын талаар төрөөс баримтлах бодлогыг тодорхойлох Бодлогын зөвлөл байгуулж ажиллах, НАМЗХ-ны дотоод эв нэгдлийг хангаж ажиллах зэрэг хэд, хэдэн чиглэл өгсөн юм байна.

Энэ дагуу НАМЗХ чуулганаа хийж, Ерөнхийлөгчөөрөө Уул уурхайн дэд сайд Г.Тэмүүлэнг сонгосон байна. Харин дэд ерөнхийлөгчөөр Сонгинохайрхан дүүргийн Иргэдийн Төлөөлөгчдийн Хурлын дарга Х.Нямбаатарыг сонгосон байна.

Н.Нягт