Хойд Солонгосын удирдагч Ким Чен Ун дэлхий дахиныг түгшээж буй халдварт өвчнүүдийг дарах чадалтай бэлдмэл гаргаж авсан тухай “www.dailymail.co.uk” мэдээллээ. Тэрбээр “ДОХ, бэлгийн замын халдварт өвчин, шувууны ханиад, эбола вирус, Өмнөд Солонгос болон Тайландад бүртгэгдээд буй амьсгалын замаар халддаг “МЕРС” вирусыг бүрэн анагаах увдистай нэгэн бэлдмэлийг зах зээлд нэвтрүүлэх төлөвлөгөөтэй” гэж мэдэгджээ. Энэхүү бэлдмэлийг гаргах ажил 2013 оноос эхэлсэн бөгөөд туршилтаар олон төрлийн халдварт өвчнөөр сүүлийн 10 гаруй жилийн турш шаналж буй 100 гаруй хүн эдгэрсэн гэдгийг “KCNA” агентлаг мэдээлэв.
Бэлдмэл энэ ондоо багтаан бэлэн болох аж. Пхеньян найрсаг харилцаатай байдаг хэд хэдэн улс руу бэлдмэл илгээхээр болсон гэнэ. Ким Чен Ун “Энэхүү анагаах увдистай бэлдмэлийг “Kumdang 2” гэж нэрлэсэн. Хойд Солонгос тун удахгүй анагаах ухааны түүхэнд шинэ нээлт хийх болно” гэж хэлжээ.
“Хэрвээ удирдагчийн ярьсан шиг энэхүү бэлдмэл олон улсад заналхийлээд буй халдварт өвчнүүдийг анагааж чадвал Ким Чен Ун дэлхийг аварч, нэр хүндээ огцом өсгөх боломжтой” хэмээн “AFP” агентлаг “KCNA” агентлагийн мэдээллээс иш татан мэдээлжээ.
Б.Дэлгэрцэцэг
Уншиж байна |