Реалити шоуны од Ким Кардашиан Францын Канн хотноо зураг авалтад оролцохоор хүрэлцэн иржээ. Тэрбээр “Garden” зочид буудалд буусан аж. Өчигдөр шөнийн 4.00 цагийн үед Кардашиан руу согтуу эмэгтэй халдахыг санаархсан тухай “www.dailymail.co.uk” мэдээллээ.

Хамгаалалтын ажилчид Кардашианы өрөөнд очих үед согтууруулах ундаа хэтрүүлэн хэрэглэсэн, ямар ч хувцасгүй  30 орчим насны эмэгтэй эмх замбараагүй байдал үүсгэж байжээ. Бүсгүй Кардашианы хаалгыг өшиглөж “Бүдүүн үнээ минь гараад ир. Будаггүй төрхийг чинь нэг харья. Алив аа” хэмээн хашгирчээ. Түүнийг ийнхүү хэлсний дараа Кардашиан өрөөнөөс гарч ирэхэд бүсгүй цонхны тавцан дээр байсан цэцгийн ваарыг түүний рүү шидэхийг санаархжээ.

Бүсгүйг хамгаалалтын ажилчид саатуулсан байна. Энэхүү үйл явдлын дараа Кардашиан твиттертээ “Шалдан эмэгтэйгээс бол үүрийн 4.00 цагт сэрчихлээ. Үнэхээр уур хүрч байна” гэж жиргэжээ.

Б.Дэлгэрцэцэг