Пхеньяны нисэх буудал шинэчлэгджээ
2015-6-26

Хойд Солонгосын нийслэл Пхеньян хотын Сунан олон улсын нисэх буудлыг энэ оноос эхлэн засварлаж эхэлсэн билээ. Хэсэг хугацаанд үйл ажиллагаагаа зогсоогоод буй нисэх буудал ирэх сарын 1-нд нээлтээ хийж, жуулчдыг хүлээн авахаар болсон тухай “KCNA” агентлаг мэдээллээ. Тус улсын удирдагч Ким Чен Ун нисэх буудлын өнгө төрхийг шүүмжилж, шинэчлэл хийхийг шаардсан юм.

 

Шинэчлэлийн хүрээнд Сунан нисэх буудал олон улсын жишгийн дагуу шилэн гадаргуутай болсноос гадна дотор талдаа Хойд Солонгосын өнгө төрх, түүх соёлыг тусгасан олон баримал, зургийг шигтгэсэн байна. Мөн удирдагч өөрийнхөө өвөө болон аавынхаа 3 метрийн өндөртэй хүрэл хөшөөг төв хаалган дээр байршуулахыг үүрэгдсэн байна. Одоогоор Сунан нисэх буудлын нэр өөрчлөгдөх эсэх нь тодорхойгүй байгаа ч гэрчийн мэдээлснээр удирдагч өөрийнхөө нэрээр нэрлэж магадгүй гэжээ.

 

Удирдагч нисэх буудлын ажилтай танилцахдаа гэргий Ри Сол Жу болон төрсөн дүү Ким Чо Жоныг дагуулан иржээ.

 

Б.Дэлгэрцэцэг

Shuud.mn
Сонин хачин