УИХ-ын чуулганы нэгдсэн хуралдаанаар Нийтийн сонсголын тухай болон холбогдох бусад хуулийн төслүүдийн анхны хэлэлцүүлгийг хийж байна. Хэлэлцэж байгаа асуудалтай холбогдуулан зарчмынн зөрүүтэй саналаар санал хураалт явуулж байгаа юм. Энэ хуулийн төсөлд гишүүн Ц.Нямдорж эсрэг байр суурьтай байсан. Тэрбээр:

-Би сүүлийн үед илжгийг их ухаантай амьтан гэж боддог болсон шүү дээ. Илжигний чихэнд ус хийсэн ч сэгсрэнэ. Алт хийсэн ч сэгсэрнэ. Ухаантай амьтан учраас л сэгсрээд байна.

Захиргааны хэрэгт сонсгол хийнэ гэж юу байхуу. Томилгоог нь сонсоход сайд нарын асуудлаа хэлэлцэхэд 7 хоногоор чуулган хойшлох нь. Та бүхэн өөрсдийгөө илжигтэй харьцуулаад бодчих гэлээ. Харин УИХ-ын дарга З.Энхболд санал хураалтын томъёолол уншихдаа “Ц.Нямдоржийг биш ажлын хэсгийг дэмжих санал хураалт явуулж байна. Юу ч хэлэлцсэн эсэргүүцэж байдаг хүний үгийг сонсоод хэрэг байна уу?” гэсэн юм. Зарчмын зөрүүтэй саналаар санал хураалт явуулсны дараагаар найруулгын зөрүүтэй саналыг уншиж танилцуулсан юм.

Хэлэлцэж байгаа асуудалтай холбогдуулан гишүүн Х.Тэмүүжин:

-Нийтийн сонсголын хуулийн төсөлтэй холбоотой 3 асуудал унасан. Гэхдээ байнгын хорооны саналаар гишүүдийнй 3/2-аар дахин хэлэлцэх санал гаргасан хэмээлээ.

Ийнхүү уг хуулийн төслийн анхны хэлэлцүүлгийг хийж дуусгаад эцсийн хэлэлцүүлэгт бэлтгүүлэхээр Төрийн байгуулалтын байнгын хороонд шилжүүлэв.

Чуулганы хуралдаан үргэлжилж байна.

Н.Энх