Дондогдулам хатны cүнстэй ярилцаж, түүний сүнсийг буулгаж ярилцдаг хэмээн дөвчигнөдөг УИХ-ын гишүүн Д.Арвин эх дагинын музей саяхан шатсанд тун их эмзэглэсэн гэнэ. Түүхийг нь дандаа бараан саарлаар харуулдаг эх дагинын том дурсгал шатсанд нь сэтгэл гундуу байгаа гэдгээ хэлж хатны талаар нийгэмд зөв ойлголт өгөх олон ажлыг хийхээр болсноо саяхан хэвлэлд өгсөн ярилцлагадаа онцолжээ. Д.Арвин гишүүн хэлэхдээ “Богд хаанд тулгарсан хүнд хэцүү үеүдэд хажууд нь хат шиг сууж байсан тэр сайхан монгол хатан 1911 болон 1921 оны хувьсгалыг удирдахад онцгой үүрэг гүйцэтгэсэн юм. Энэ хүний үйлсийг хэн ч дарж чадахгүй. Тиймээс Эх Дагины ордонг бид дахин байгуулна. Богд хааны өвлийн ордонг ч засна. Дондогдулам хатан бол маш их зовлон бэрхшээлийг туулж ирсэн. Тиймээс сэтгүүлч Жавзандуламын зохиолоор “Эх дагины хувь заяа” уран сайхны кино хийхээр төлөвлөн ажиллаж байгаа. Монголын ард түмэнд Дондогдулам гэж ямар агуу хатан байсныг харуулна. Энэ кино үзэгчдийн хүртээл болсноор Эх дагины тухай маш олон худлаа түүхийн эргэлзээ тайлагдана” хэмээн ярьсан байна. Тэгэхээр тун удахгүй эрхэм гишүүний санхүүжилтээр Эх дагина Монголын кино урлагт гэгээн дүрээ мөнхлөх нь ээ.
Эх сурвалж: www.mminfo.mn
Уншиж байна |