Үндэсний их баяр наадмын үеэр аж ахуйн нэгж, иргэд 850 орчимцэгт худалдаа үйлчилгээ эрхлэх юм. Энэ талаар Нийслэлийн захирагчийн ажлын албаны Хүнс, худалдаа үйлчил­гээний хэлтсийн дарга О.Нарантуяагаас зарим зүйлийг ярилцлаа.

-Наадам болоход хэдхэн хоног үлдлээ. Энэ жил 850 орчим цэгт худалдаа, үйл­чилгээ эрхлэх зөвшөөрөл олгосон. Энэ талаар тодорхой мэдээлэл өгөхгүй юу? 

-Иргэд жил бүр наадмаар тусгай цэгт худалдаа үйлчил­гээ эрхэлдэг. Энэ жил 850 орчим цэгт худалдаа үйлчилгээ эрх­лэх зөвшөөрөл олгосон.

Үү­нээс Төв цэнгэлдэх хүрээ­лэнд 600, Хүй долоо худагт 250-иад аж ахуйн нэгж, ир­гэдэд зөвшөөрөл өгнө. Нийт 850 цэгийн 70 гаруй хувь нь хуушуур зарах цэг байгаа. 

-Эдийн засгийн хям­ралтай хол­бог­д­уулан аж ах­­уйн нэгж гэх­ээсээ ил­үү ир­­­гэдэд зөв­шөөрөл түлхүү ол­­го­сон гэж сонсон юм байна?

-Тийм ээ, үнэн. Эдийн зас­гийн хям­рал­аас болж иргэд­ийн амьжир­гааны түв­­­шин, худалдан авах чадвар муу байгаа. 

Тиймээс нийс­лэлийн Засаг даргын Тамгын газар болон Иргэд­­ийн төлөөлөгч­дийн хур­­лын даргын өгсөн үүрэг, чиг­­лэлийн дагуу иргэдэд голч­лон зөв­шөөрөл олгосон. Мөн иргэдийг заавал Хүйдолоо, Төвцэнгэлдэх хүрээлэнд очихгүйгээр хуушуур идэх бололцоог хангаж буй. Тухайлбал, Сонгинохайрхан дүүргийн иргэд Драгон төв, Баянхошууны эцэст байрлах хуушуурын цэгүүдээс очиж хуушуураа авч идээрэй. 

 
-Наадамчин олны зүгээс жил бүр чанаргүй, муудсан бараа бүтээг­дэхүүн зарлаа гэж гомдол гаргадаг. Энэ жил­ийн хувьд хяналтыг хэрхэн тавьж ажиллах вэ?

-Мэдээж хүнсний аюул­гүй байдалд түлхүү анх­аарч ажил­лаж байна. Иргэд ч гэсэн өөрсдөө хүнсний аюул­гүй байдлыг хангасан ба­р­аа, бүтээг­дэхүүнээр наадам­чин олонд үйлчлэх хэрэгтэй. Зөвшөөр­лөө авсан иргэд эр­үүл мэнд­ийн үз­лэг, шинжил­­­­гээнд заавал хам­рагд­сан байх ёстой. 

Дээр нь бараа бүтээгдэх­үүнийхээ чанарыг батал­­гаа­жуулсан байх шаар­­длагатай. Тэр тус­маа хуушуур хийж зарж, бор­луулж байгаа ир­гэн, аж ахуйн нэгжүүд чанар болон аюулгүй байдал дээр маш сайн анхаарах нь зүйн хэрэг.

-Тухайлбал?

-Иргэдийн гол анхаарах зүйл бол мах, махан бүтээг­дэхүүн. Тэр дундаа хууш­уурын мах. Иргэд урьд­чилан бэлдсэн махаа хөл­дөөгчинд 10, 20 кг-аар нь хөл­дөө­дөг. Ингэж болохгүй. Хоёр юм уу гурван кг-аар савлаж жижиглэж хөлдөөх ёстой. Их хэмжээгээр хөл­дөөсөн мах гол хэсэгтээ хөлддөггүй. Улмаар маханд эвгүй үнэр орж, мууддаг талтай. Энэ мэт зүйл дээрээ анхаарах хэрэгтэй. Гэхдээ Нийс­­лэлийн мэргэж­лийн хянал­тын газрын Улсын  200 бай­цаагч наадмын гур­ван өдөр хяналт тавьж ажил­лана.

-“Монгол хуушуур-2015” фестиваль болно гэж сонссон. Энэ фестиваль ямар онцлогтой вэ?

-

“Монгол хуушуур-2015” фестивалийг долоодугаар сарын 11, 12-ны өдрүүдэд цэнгэлдэх хүрээлэн болон Хүй долоон худгийн худалдаа үйлчилгээний талбайд зохион байгуулна. 

Мөн сүүлийн хоёр жилийн хугацаанд манай хэлтэс Хараагүйчүүдийн нийгэмлэгтэй хамтран ажиллаж байгаа. Хараагүй иргэдийн хөдөлмөр эрхлэлтийг дэмжих зорилгоор хуушуурыг тэдний үйлдвэрлэсэн цаасан уутанд хийж худалдаална. Хуушуур хийх зөвшөөрөл авсан иргэд, аж ахуйн нэгжүүд бүгдээрээ цаасан уутанд хуушуураа хийж худалдаална

-Энэ жил Төвцэнгэлдэх хүрээлэнд газ ашиглахаар болсон. Үүнд ихэнх иргэд дургүй байгаа. Харин та юу гэж бодож байгаа вэ?

-Энэ жил хуушуур хийж худалдаалах зөвшөөрөл иргэн, аж ахуйн нэгжүүдэд газ ашиглах зөвшөөрөл олгосон. Учир нь өнгөрсөн жилүүдэд газ ашиглахыг хориглосноос, цахилгааны ачаалал ихсэж, Төв цэнгэлдэх, Хүй долоон худагийн зарим хэсгээр эрчим хүч тасалдаж байсан. 

Тиймээс Үндэсний их баяр наадмын үеэр Төв цэнгэлдэх хүрээлэн болон Хүй долоон худагт Нийслэлийн Мэргэжлийн Хяналтын Газар, Онцгой Байдлын Ерөнхий Газрын хяналтад газ ашиглахыг зөвшөөрч байгаа. Миний хувьд ч ялгаа байхгүй зөв шийдвэр гэж бодож байна.

Б.Дэжид