Үндэсний их баяр наадмын хурдан морины уралдаан хязаалан насны морьдын уралдаанаар эхэлж, хурдан хүлгүүд тодорсон билээ.
Тэгвэл дөнгөж сая шүдлэн насны морьд бариалав. Шүдлэн насны морьд 15 км-ын зайнаас мордож, бариаллаа. Шүдлэн насанд Дундговь аймгийн Өлзийт сумын аймгийн алдарт уяат Дэмчигцогийн Эрдэнэбулганы хурдан хонгор үрээ төрийн наадамд түрүүллээ. Аман хүзүүнд Булган аймгийн Гурванбулагийн сумын харьяат, манлай уяач Дамбын Хишигжаргалын хүрэн халзан үрээ орлоо. Айргийн гуравт Дундговь аймгийн Хулд сумын харьяат Бандиагийн Баярсайханы хүрэн үрээ, дөрөвт Завхан аймгийн Цагаанчулуут сумын уяач Балдоржийн Баярдоржийн хүрэн үрээ хурдаллаа. Айргийн тавд Ховд аймгийн Мянгат сумын уяач Загджав Мэндсайханы үрээ орлоо.
В.Бат
Уншиж байна |