Нийслэлийн мэргэжлийн хяналтын газрын 400 орчим байцаагч баяр наадмын өдрүүдээр хяналт, шалгалт хийж байна. Үүнээс 25 нь Хүй долоон худагт ажиллаж буй хуушуурын гэрүүдийн ариун цэвэр, эрүүл ахуйн тал дээр анхааран ажиллаж байгаа аж.

Хүй долоон худагт энэ жил 300 орчим үйлчилгээний гэр байгаа бөгөөд А зогсоолын орчимд 26 гэр зөвшөөрөлгүй буужээ.

Чанарын шаардлага хангахгүй, зөвшөөрөлгүй гэрүүдийн үйл ажиллагааг зогсоохоор мэргэжлийн хяналтын байцаагч нар холбогдох байгууллагуудад мэдэгдээд байгаа талаар Баянгол дүүргийн мэргэжлийн хяналтын газрын дарга В.Алтансүх мэдээллээ.

Тухайн бүсэд тог татаагүй учраас гурил, мах муудах эрсдэлтэй тул ийнхүү арга хэмжээ авчээ.

Хүй долоон худагт ажиллаж буй хуушуурыы гэрүүдэд гурван цаг тутамд хийн баллон ашиглах, хүнсний аюулгүй байдлын зөвлөмжийг өгч байгаа бөгөөд айраг, мах зэргээс дээж авч, явуулын лабораториор шинжилж байна.

Б.Дэжид