Монгол Улсын мэргэн Д.Норжмаа халх сурын харваанд дэд байрт шалгарлаа. Түүнээс сэтгэгдлийг нь сонссон юм.

-Танд баяр хүргэе. Сайхан наадаж байна уу?

-Энэ жилийн наадам сайхан болж өнгөрлөө. Халх сурын харваанд дэд байрт орлоо. Их баяртай байна.

-Хэдэн жил харваж байгаа вэ?

-17 дахь жилдээ харваж байна. Улсынхаа баяр наадамд хоёр түрүүлж, дөрөв дэх үзүүрлэлээ.

-Сурын харваанд хүмүүс үе удмаараа оролцож байна. Хүүхдүүд тань таны мэргэжлийн эзэмшсэн үү?

-Хүү маань энэ жилээс сурын харваагаар хичээллэж эхэлсэн.

-Энэ жилийн наадамд цэц мэргэнээ сорьсон уу?

-Энэ жилийн улсын баяр наадамд анх удаагаа оролцсон.  Хүүхдийн харваанд оролцоод 32 сумнаас 17 оносон.

Н.Энх