Зуны сүүл сарын шинийн 4 буюу энэ сарын 20-ны даваа гаригт ДЭЭРХИЙН ГЭГЭЭН XIV ДАЛАЙ ЛАМ Бурхан багшийн номын хүрдийг эргүүлсэн дүйчэн өдөр тохионо. 

Их хөлгөний нэг өдрийн сожон сахилыг монголчуудад хүртээх үйл ажиллагаа Гандантэгчинлэн хийдийн Жанрайсигийн өмнөх талбайд болно. Энэхүү арга хэмжээг өглөө 07.30-09.30 цагт ТВ9 телевизээр шууд дамжуулан үзүүлэх юм байна.

Энэхүү дүйчэн өдөр хийсэн буян бум, живаа болон арвиждаг тул Монгол түмэн эрт дээр үеэсээ төгс гэгээрлийн уг шалтгаан болсон буян номын үйлэнд бие, хэл, сэтгэлээ зориулж, нүгэл, хилэнцийн үйлийг санан санан хорьдог аж.