Аж үйлдвэрийн сайд Сэлэнгэ аймагт ажиллана
2015-7-21

Аж үйлдвэрийн сайд Д.Эрдэнэбат ирэх долоо хоногт Сэлэнгэ аймагт томилолтоор ажиллана.

 

Монгол Улсын газар тариалан, жижиг, дунд үйлдвэрлэлийн голлох бүс нутаг болох Сэлэнгэ аймаг хөдөө аж ахуй, газар тариалан түшиглэсэн үйлдвэрлэл эрхлэлтээрээ улсдаа тэргүүлдэг. Тухайлбал, орон нутагт 15 мянга орчим ЖДҮ эрхлэгч тогтмол үйл ажиллагаагаа явуулж байгаагаас 2000 гаруй нь Сэлэнгэ аймагт үйлдвэрлэл эрхэлж байна.

 

Харин газар тариалангийн голлох бүс нутаг болох Сэлэнгэ, Төв аймагт энэ жил цаг агаарын улмаас хуурайшилт ихтэй, гантай байгаа нь хөдөө аж ахуйн салбарын үйлдвэр эрхлэгчдэд хүндрэл учруулж болзошгүй байгаа юм.

 

Тиймээс Аж үйлдвэрийн сайд Д.Эрдэнэбат Сэлэнгэ аймагт ажиллах үеэрээ нөхцөл байдалтай газар дээр нь танилцаж, жижиг, дунд үйлдвэрлэл эрхлэгчидтэй уулзаж, санал бодлыг нь сонсохын зэрэгцээ Улсын Их хурал, Засгийн газрын тогтоол, шийдвэрүүдийг танилцуулна.

Shuud.mn
Сонин хачин