Х.Монголжин Монгол Улсын гурван сая дахь иргэнээр тодорсон. Мөн түүнтэй хамгийн ойр хугацаанд мэндэлсэн хүүхдүүдийг гурван сая дахь иргэний чацуутнаар тодруулж, тухайн орон нутгийн засаг захиргаанаас урамшуулж буй.

Тэгвэл өнөөдөр Хан-Уул дүүрэг гурван сая дахь иргэндээ 70 сая төгрөгийн урамшууллыг гардуулан өгөх аж. Хан-Уул дүүргийн 6-р хороонд оршин суух иргэн Ж.Даваасүрэнгийн хүү Д.Золбаяр 2015 оны 01 дүгээр сарын 24-ний өдрийн 14 цаг 25 минутад мэндэлж, гурван сая дахь иргэний чацуутан болжээ. Түүнд 70 сая төгрөг гардуулах ажиллагаа 11.40 цагт Хан-Уул дүүргийн “Иргэдэд үйлчлэх төв байр”-нд болно.