Аж үйлдвэр, худалдааны салбарт хамтарна
2015-08-05

 

 

Монгол Улс анхны чөлөөт худалдааны хэлэлцээрийн Япон улстай энэ онд байгуулсан бөгөөд хэлэлцээрийг амжилттай хэрэгжүүлэхэд хоёр орны хувийн хэвшил хоорондын хамтын ажиллагаа чухал үүрэгтэй. 

 

Өргөн хүрээний хамтын ажиллагааны эхлэлийг өнгөрсөн зургаадугаар сарл Япон улсад АЖ үйлдвэрийн сайдын хийсэн айлчлал, хоёр улс хоорондын төр, хувийн хэвшлийн зөвлөлдөх уулзалт, бизнес форумыг зохион байгуулах замаар эхлүүлсэн юм.

 

Энэ хүрээнд  өнөөдөр Монгол Улсын Аж үйлдвэрийн яам, Японы Гадаад худалдааг дэмжих байгууллага /ЖЕТРО/-тай хамтын ажиллагааны санамж бичиг байгууллаа.

 

Хамтын ажиллагааны санамж бичиг байгуулснаар хоёр орон хоорондын аж үйлдвэр, худалдаа, хөрөнгө оруулалтын салбар дахь хамтын ажиллагааны чиглэлийг тодорхойлж, эрх зүйн үндсийг бий болгох ажээ.

 

Санамж бичиг байгуулах ажлын хүрээнд Японы Шизүока мужийн төлөөлөл өргөн бүрэлдэхүүнтэйгээр манай улсад айлчилж, орон нутаг хоорондын хамтын ажиллагааг бэхжүүлэх зорилготой гэнэ.

 

 

 

 

П.Нарандэлгэр

Shuud.mn
Сонин хачин
Зочин:
Аж үйлдвэрийн яамны гол ажил бол усны нөөцийн асуудал. Усны нөөцийн асуудлаа шийдээгүй байж яаж үйлдвэр хөгжих вэ дээ. САҮЦ гээд сүржигнээд байсан усны асуудлаас болоод яваагүй. Ер нь усны асуудлыг шийдэхгүй бол ямарч асуудал шийдэж чадахгүй юм. БОНХАЖЯ-ны Усны нөөцийн хэдэн нөхөд усны нөөцийг тоог дээш доош нь болгож худалддаг байж мэдэх аюултай.
2015-08-05