Улаанбаатар
Кабул хотноо халдлага үйлджээ
2015-8-7

 

Афганистаны нийслэл Кабул хотын Шах Шахид дүүрэгт өнөөдөр 8.00 цагт амиа золиослогч халдлага үйлдсэн тухай “Ройтерс” агентлаг мэдээллээ. Амиа золислогч их хэмжээний тэсрэх бөмбөг байршуулсан ачааны машин дэлбэлж, өөрийгөө золиосолжээ. Халдлагын үеэр найман хүн амиа алдаж, 100 гаруй хүн гэмтсэн байна. “Амиа алдагсадын тоо нэмэгдэж болзошгүй” гэж Кабул хотын цагдаагийн газраас мэдээлэв. Энэхүү халдлагыг хэт даврагч “Талибан” бүлэглэл захиалсан гэдгээ Засгийн газартаа мэдэгджээ. Тус бүлэглэл энэ долоо хоногт Кабул хотноо таван удаа халдлага үйлдэж, 41 хүний аминд хүрчээ. Тэд Засгийн эрхийг авахын оролдож байгаа юм.

 

Халдлагын дараа тус улсын Ерөнхийлөгч Ашраф Гани “Үнэхээр аймшигтай зүйл боллоо.  Дараалласан халдлагын дараа Кабул хотын аюулгүй байдалд анхаарлаа хандуулах хэрэгтэй гэдгийг ойлголоо. Улсын зүрх нь нийслэл байдаг. Тиймээс Кабулд байрших цэргийн тоог нэмэх болно” гэж мэдэгджээ.

 

Б.Дэлгэрцэцэг

Shuud.mn
Сонин хачин