Тяньжины “Рүй Хай” компанийн агуулахад болсон дэлбэрэлтийн үеэр 50 хүн амиа алдаж, 765 хүн гэмтэж, эмчлүүлж байна. Амиа алдагдсын тоо нэмэгдсэнтэй холбогдуулан Бээжингийн удирдлагууд тус хот руу химийн шинжээчдийг илгээж, хэргийн шалтгааныг тодруулахаар болсон тухай “CNN”агенлаг уламжилжээ.

Хятадын армийн химийн 215 шинжээчийг илгээхээр болсон байна. Өнөөдөр орон нутгийн цагаар 14.00 цагт эхний цуваа Тяньжинд хүрэхээр болжээ. Дэлбэрэлтийн шалтгаан тодорхойгүй байгаа бөгөөд химийн бодис алдагдсан эсэхийг шинжээчид тогтоох юм.

Дэлбэрэлт болсон агуулахад натрийн цианид гэх мэт химийн хортой бодис хадгалдаг байсныг мөрдлөгийн явцад тогтоосон байна. Аврагчид 700 тонн цианидыг устгажээ. Иргэдийг аюулгүй байдлын үүднээс амны хаалт зүүхийг уриалжээ. Одоогоор 36 гал сөнөөгч болон үйлдвэрийн 15 ажилтан, хоёр энгийн иргэн сураггүй алга болжээ.

Б.Дэлгэрцэцэг