М.Нандинцэцэг, М.Гүндэгмаа нар хүрэл медаль зүүлээ
2015-08-17 08:52

Гэрэл зургийг "Mongolian boxing federation" хуудаснаас ашиглав.

Ази тивийн аварга шалгаруулах эмэгтэй боксчдын 7 дахь удаагийн тэмцээн БНХАУ-ын Улаанцав хотод энэ сарын 7-13-ны өдрүүдэд болов.

 

Тэмцээнд манай найман тамирчин оролцсоноос 51 кг-д тулалдсан ОУХМ М.Нандинцэцэг, 54 кг-д хүч үзсэн ОУХМ М.Гүндэгмаа нар хүрэл медаль зүүлээ. Манай улсын багийн ахлагч МБХ-ны менежер ОУХМ Ц.Батнасан, Үндэсний шигшээ багийн зөвлөх дасгалжуулагч МУГД, МУАБ Д.Банди, Үндэсний эмэгтэй шигшээ багийн дасгалжуулагч ОУХМ Б.Энхтайван, Дасгалжуулагч СМ М.Буянжаргал нараар удирдуулж, ОУХМ Т.Болортуул, ОУХМ М.Нандинцэцэг, ОУХМ М.Гүндэгмаа, ОУХМ О.Сувд-Эрдэнэ, СМ Н.Баянцэцэг, СМ У.Шинэцэцэг, СМ Э.Эрдэнэтуяа нар ААШТ-д өрсөлдсөн. 

 

Тэмцээнд 27 орны 156 боксчин 10 жинд өрсөлдсөнөөс БНХАУ зургаан алт, Тайланд хоёр алт, БНСУ нэг алт, Казахстан нэг алтан медаль хүртжээ.

 

 

Б.Бэхи

Shuud.mn
Сонин хачин