Ерөнхийлөгч Өршөөлийн хуульд хориг тавихаа мэдэгдсэн. Энэ удаагийн Өршөөлийн хууль залилангийн болон албан тушаалаа урвуулан ашиглаж улсын мөнгийг үрэн таран хийсэн, авлига авсан хэргээр шалгагдаж, сэжиглэгдэж, ял эдэлж байгаа хүмүүсийг хамруулж байгаагаараа онцлогтой. Ерөнхийлөгч залилан, албан тушаалаа хууль бусаар ашигласан хэргийг өршөөж байгааг эсэргүүцэж буйгаа мэдэгдсэн. Тиймээс бүрэн эрхийнхээ хүрээнд Өршөөлийн хуульд зүйл ангиар нь зүйчилж хориг тавих аж. Энэ талаар Ерөнхийлөгчийн Хуулийн зөвлөх Ч.Өнөрбаяраас тодруулахад:

-Өршөөлийн хуульд хориг тавихаар ажиллаж байна. Ерөнхийлөгчийн хоригийг УИХ-д өргөн мэдүүлсний дараа мэдээлэл өгнө гэсэн юм.

Ямартай ч Өршөөлийн хуульд Ерөнхийлөгч өнөөдөр хориг тавьж,  үдээс хойш УИХ-д өргөн барих бололтой.

Н.Энх