Хойд Солонгосын удирдагч Ким Чен Ун өчигдөр хил орчимд болсон харилцан буудалцааны дараа орон даяар дайны бэлэн байдалд шилжихийг Батлан хамгаалахын яамны удирдлагуудад үүрэгдсэн тухай тус улсын төрийн мэдлийн “KCNA” агентлаг мэдээллээ. Хойд Солонгос хилийн зурваст байрлах дайчдынхаа тоог нэмсэнээс гадна ойрын болон холын зайн тусгалтай пуужингийн суурийг байршуулж эхэлсэн байна. Пхеньян ийнхүү хөдөлгөөнд орсны дараа Сөүл мөн хил орчмынхоо хамгаалалтыг нэмэгдүүлж эхэлжээ.
Пхеньян өчигдөр 17.00 цагийн орчимд Өмнөд Солонгосын хил орчимд байршиж буй чанга яригч төхөөрөмж рүү их буугаар галласан. Энэхүү үйл явдлын дараа Өмнөд Солонгос хариу гал нээсний улмаас хоёр Солонгос хэсэг хугацаанд харилцан буудалцсан билээ. Харилцан буудалцааны үеэр цэрэг шархдаагүй хэмээн Өмнөдийн Батлан хамгаалах яам мэдээлснийг “www.yonhapnews.co.kr” уламжлав.
Б.Дэлгэрцэцэг
Уншиж байна |