Жүдо бөхийн дэлхийн аварга шалгаруулах тэмцээний гурав дахь өдөр татамид гарч хүч үзсэн манай бөхчүүдээс олимпийн хүрэл медальт, гавьяат тамирчин С.Ням-Очир, олон улсын хэмжээний мастер Д.Сумъяа нар хүрэл медаль зүүлээ.

Эрэгтэйчүүдийн 73 кг-ын жинд гавьяат тамирчин С.Ням-Очир БНАСАУ-ын бөх Хон Кук Кёнг хожиж, дэлхийн аваргын хүрэл медаль зүүсэн бол эмэгтэйчүүдийн 57 кг-ын жинд хүч үзсэн олон улсын хэмжээний мастер Д.Сумъяа Канадын бөх Катерин Бушемин-Пинардыг хожиж, хүрэл медалийн тавцанд зогсов.

Ийнхүү С.Ням-Очир олимп, дэлхийн аваргын медальтан болсон бол Д.Сумъяа дэлхийн аваргын анхны медалиа зүүлээ.

Харин манай бөх Г.Одбаяр хүрэл медалийн төлөө БНСУ-ын Ан Чан Римтэй барилдсан ч торгуулийн илүүгээр хожигдов.

Б.Бэхи