Нийгмийн даатгалын шимтгэлээ цахимаар төлнө
2015-8-27

Монгол Улстай Нийгмийн хамгааллын салбарт хамтран ажиллах хэлэлцээргүй орнуудад оршин сууж байгаа Монгол Улсын иргэдийг нийгмийн даатгалын сайн дурын даатгалд хамруулах, нийгмийн даатгалын шимтгэлийг шилжүүлэх, хүлээн авах үйлчилгээг цахимаар хийх ажлыг Нийгмийн даатгалын байгууллага зохион байгуулж эхлээд  байна.

 

Төрийн банктай хамтран хэрэгжүүлж буй уг төслийн шинээр программ боловсруулах ажил дуусах шатандаа ороод байгаа аж. Гадаадад амьдардаг Монголчууд эх орондоо эргэн ирэх нийгмийн баталгаагаа хангах зорилгоор сайн дурын даатгалд хамрагдах хүсэл сонирхол их байдаг ч өөрсдөө шимтгэлээ төлөх боломжгүй. Мөн өөрийгөө төлөөлсөн хэн нэгнээр дамжуулан шимтгэл төлөх явцад хугацаа хоцроох, тасалдуулах, шимтгэл төлөх хувь хэмжээг нь өөрсдийн дураар бууруулах гэх мэт төвөгтэй байдал үүсдэг байсан аж.

 

Тэгвэл сайн дурын даатгалын гэрээг цахимаар үйлдэж, шимтгэлээ цахимаар төлөх боломжийг бий болгосноор асуудал цэгцэрч, сайн дураар даатгуулагчдын тоо ч өснө гэж албаныхан үзэж байна. Тиймээс шимтгэл төлөх хугацаа, нөхцөлийг уян хатан байхаар зохицуулж өгөх гэнэ.

 

П.Наран

Shuud.mn
Сонин хачин