Нийслэлийн Засаг дарга Э.Бат-Үүл, нийслэлийн Засаг даргын Зам тээвэр, дэд бүтцийн асуудал хариуцсан орлогч Н.Гантөмөр зэрэг албаны хүмүүс Дамбадаржаагийн уулзвар–Шадивлангийн шинэ уулзвар–Шаргаморьтын төмөрбетон гүүр–Хандгайт чиглэлийн 16.3 километр замын ажлын явцтай өнөөдөр танилцлаа.

 Тус замыг 1982-1985 онд барьсан бөгөөд ашиглалтад орсноос хойш өнөөдрийг хүртэл урсгал засвар болон шинэчлэлтийн ажил огт хийгээгүй байсан аж. Зуны улиралд өдөрт 100 мянга гаруй тээврийн хэрэгсэл хөдөлгөөнд оролцдог нийт 16.3 километр замыг шинэчлэн засварлаж явган хүний зам, нэг талдаа дугуйн зам барих ажлын явц 70 хувьтай үргэлжилж байна.