Манай улсын тамирчин, холимог тулааны ОУХМ Ж.Нарантунгалаг энэ сарын 27-нд Индонез улсын нийслэл Жакарта хотод ОХУ-ын тамирчин Марат Гафуровтой дүрэмгүй тулалдахаар болжээ.
Тодруулбал, тэд дүрэмгүй зодооны томоохон тэмцээн болох “Odyssey of Champions”-д сугалаа таарч тулалдахаар болсон байна.
Энэ тухай дэлхийн спортын хэвлэлүүд "ММA-гийн аваргын бүсийн эзэн Жадамбаагын Нарантунгалаг, Марат Гафуров нарын тулаан нэлээд ширүүн тулаан болох төлөвтэй. Магадгүй Азийн ММА-гийн хамгийн ширүүн, гайхалтай, сонирхолтой зодоон болохыг үгүйсгэхгүй байна. Монгол Улсын тамирчин Ж.Нарантунгалаг нь 2011 онд Макаод зохиогдсон "Legend-6" тулаанд Австралийн тамирчин Адриан Пангийг буулган авч ММA-гийн аваргын бүсийн эзэн болсон юм. Энэ удаагийн тулаанаараа өмнөх цолоо хамгаалахад бэлэн байгаа бололтой" хэмээн бичсэн байна.
Харин ОХУ-ы тамирчин Марат Гафуровын талаар бичихдээ "Гафуров бол ММА-гийн тэмцээнүүдэд барагтаа ялагдал хүлээж байгаагүй. Тэр өнгөрсөн тавдугаар сард Эв Тингтэй тулалдахдаа амьсгалыг нь боож, давуу ялалт авсан юм" хэмээн бичжээ.
Тулалдаан энэ сарын 27-нд Жакарта хотын төвүүдийн нэг болох Istora Senayan-ийн талбарт болох юм байна.
Б.Дэжид
Уншиж байна |