БНХАУ-ын дарга Си Зиньпин өнгөрсөн сарын сүүлээр Коммунист намны хуучин дарга байсан Зянь Земинийг эрх мэдлээ хэтрүүлэн ашигласан, авлига авсан хэмээн буруутгаж, баривчлах тушаал гаргасан билээ. Бээжингийн цагдаа нар Зянь Земин болон түүний хөвгүүдийг баривчилж, тодорхойгүй хугацаагаар гэрийн хорионд оруулснаа сэтгүүлчдэд мэдэгдсэн. Тэгвэл Зянь Земин гэрийн хорионоос гарч, өчигдөр Бээжин хотноо болсон ялалтын парадыг үзжээ.
Тэрбээр Си дарга, Ху Жинтао болон Ерөнхий сайд Ли Кэцян нарын дэргэдээс ялалтын парадыг үзсэн билээ.
Харин Бээжингийн цагдаа нар Зянь Земинийг хэзээ гэрийн хорионоос гарч, эрх чөлөөтэй болсон талаарх мэдээллийг сэтгүүлчдэд өгөхөөс татгалзсан байна. “Синьхуа” агентлаг “Си даргын урилгаар БНХАУ-ын дарга асан Зянь Земин, Ху Жинтао нар ялалтын парадыг үзсэн. Ялалтын баяр бол бүх хятадуудын баяр” гэж мэдээлжээ.
Харин олон нийт Си даргыг Зянь Земинийг уучилсан хэмээж, өндөр албан тушаалтнууд ялаас мултарч байна хэмээн буруутгажээ. Коминнуст намын хэвлэлийн алба Зянь Земинтэй холбоотой мэдээлэл өгөхөөс эрс татгалзсан ч “Авлига авсан бүхэн хоригдож, хуулийн дагуу хариуцлага хүлээх болно” гэж “www.shanghaidaily.com” мэдээллээ.
Б.Дэлгэрцэцэг
Уншиж байна |