Архивын улсын үзлэг үргэлжилж байна
2015-9-10

Төрийн байгууллагын архив, албан хэрэг хөтлөлт, ажлын зохион байгуулалтын улсын үзлэг энэ сарын 7-ны өдөр эхэлсэн. Одоогоор Архангай, Увс, Баянхонгор, Хөвсгөл, Завхан аймагт улсын үзлэг явагдаж байгаа аж.

 

Мөн Нийслэлийн Засаг даргын Тамгын газар, Онцгой байдлын ерөнхий газар, БОНХАЖЯ, ХЗЯ, БСШУЯ, ЭХЯ, Аж үйлдвэрийн яам болон Алтанбулаг дахь чөлөөт бүсийн захирагчийн ажлын алба, Нийслэлийн бүртгэлийн газар, Улсын дээд шүүх зэрэг байгууллагад улсын үзлэг явагдаж байна.


Улсын үзлэг явуулах ажлыг Хууль зүйн сайд, Засгийн газрын Хэрэг эрхлэх газрын дэд дарга, яамдын Төрийн нарийн бичгийн дарга нар, Нийслэлийн Засаг даргын орлогч, Төрийн албаны зөвлөлийн ажлын албаны дарга болон Архивын ерөнхий газрын дарга зэрэг гишүүдээс бүрдсэн Төв комиссын бүрэлдэхүүн удирдан, улсын хяналтын байцаагч нар хяналт шалгалт хийж буй юм байна.


Тус үзлэгт нийт 120 гаруй төрийн байгууллага хамрагдах аж.

 

Б.Хүлэг

Shuud.mn
Сонин хачин