БСШУЯ-аас Хубилай сэцэн хааны мэндэлсний 800 жилийн ойн баярыг тэмдэглэнэ. Ойн арга хэмжээний нээлт энэ сарын 15 буюу маргааш  11:40  цагт Чингисийн талбайд эхэлнэ. Арга хэмжээ энэ сарын  23-ны 19:00 цагт дуусах юм байна.

Есөн өдөр үргэлжлэх ойн баярын хүрээнд “Хубилай сэцэн хаан- 800” үзэсгэлэн, олон улсын хөөмэйн наадам, “Хубилай сэцэн хаан ба Монголын Юань улс” нэртэй олон улсын эрдэм шинжилгээний хурал, “Монгол төрийн дуулал”  261 хүний бүрэлдэхүүнтэй үндэсний найрал хөгжимчдийн тоглолт, Хубилай сэцэн хааны тухай 10 боть цврал ном, “Хубилай сцэн хаан ба түүний залгамжлагчид” цомгийн нээлт болно. Мөн  АНУ-ын хөгжмийн зохиолч Griffes Charles Tomlinson  “Хубилай сэцэн хааны цэнгэлийн ордон” симфони найраглалын нээлт зэрэг үйл ажиллагаа зохиогдох юм байна.

Түүнчлэн энэ сарын 24-нд Хубилай сэцэн хааны хот “Хөгшин тээл”-ийн балгасын малтлага, судалгаатай танилцах аялал Өвөрхангай аймгийн Хайрхандулаан суманд болох аж.

Г.Тэгшсүрэн