Улаанбаатар
Өвөлжилтийн бэлтгэлийг хангаж ажиллахыг үүрэг болголоо
2015-9-15

 

Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Нийслэлийн мал аж ахуйн салбарын 2015-2016 оны өвөлжилтийн бэлтгэл ажил хангах тухай” А/736 дугаар захирамж гаргалаа. Захирамжаар цаг агаарын хүндрэл, болзошгүй гамшиг тохиолдохоос урьдчилан сэргийлэх, өвөл хаврын улиралд хэрэглэх өвс, тэжээлийн аюулгүйн нөөц бүрдүүлэх гадны аймагт отор, нүүдэл хийж, бэлчээрийн менежмент хийх зорилгоор нийслэлийн мал аж ахуйн салбарын өвөлжилтийн бэлтгэл хангах ажлын хэсгийн бүрэлдэхүүнийг баталлаа. Ажлын хэсгийн ахлагчаар нийслэлийн Засаг даргын Экологи, ногоон хөгжлийн асуудал хариуцсан орлогч Т.Бат-Эрдэнэ ажиллана.


Өвөлжилтийн бэлтгэл ажлыг хангахад зарцуулагдах 202 сая төгрөгийг нийслэлийн Засаг даргын нөөц хөрөнгөөс гаргаж, Мал хамгаалах санд төвлөрүүлэхийг нийслэлийн Засаг даргын Тамгын газарт, ажлын тайланг нийслэлийн Удирдлагын зөвлөлийн хуралд тайлагнаж ажиллахыг нийслэлийн Засаг даргын Экологи, ногоон хөгжлийн асуудал хариуцсан орлогч Т.Бат-Эрдэнэд даалгалаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Shuud.mn
Сонин хачин