УИХ-ын гишүүн Д.Хаянхярваа мэдээлэл хийлээ. Тэрбээр Дархан-Уул аймгийн ИТХ-ын дарга Ц.Цэндсүрэн, Засаг дарга С.Насанбат нарыг хууль бусаар ажлаас нь чөлөөлсөн хэмээв. Тэрбээр:
-Дархан-Уул аймгийн ИТХ-ын Тэргүүлэгчид хууль бусаар хуралдаж аймгийнхаа хоёр удирдлагыг чөлөөлж, орны томилгоог өчигдөр явуулсан. Өчигдөр болсон хурлын товыг гурван төлөөлөгч хууль бусаар хуралдаж, гаргасан. Гэтэл тус аймгийн АН, МАН, МАХН-ын үзэл бодлоо худалдсан хэсэг нөхөд үүнийг нь мэдсээр байж үгсэн тохиролцоод халаа сэлгээ хийжээ. Мөн гаргасан хууль бус шийдвэрээ баталгаажуулахын тулд ИТХ-ын даргын өрөөний хаалга, сейфийг эвдэж тамга тэмдгийг нь хулгайлж байгаад тамга дарсан гэсэн. Энэ талаарх баримт нотолгоо байна. Аймгийн Цагдаагийн газарт энэ талаар мэдэгдэж, шалгуулж эхэлсэн гэв.
Энэхүү хууль бус томилогоог Ерөнхий сайд Ч.Сайханбилэг батламлахгүй байх гэдэгт итгэж байна, Цаашлаад ЗГХЭГ-ын дарга С.Баярцогт нар хандаж ажлын хэсэг байгуулж тус томилгоог хуулийн дагуу байсан эсэхийг шалгахыг шаардаж байна хэмээсэн юм.
Эдүгээ Дархан-Уул аймгийн ИТХ-ын даргаар АН-ын гишүүн П.Эрдэнэбат, Засаг даргаар МАН-ын гишүүн А.Энхболд, нар томилогдоод байгаа аж.
Н.Энх
Уншиж байна |