Нийслэл дэх Захиргааны хэргийн анхан шатны шүүхэд өчигдөр арилжааны есөн банкны нэхэмжлэлтэй ШӨХТГ-ын улсын байцаагчид холбогдох захиргааны хэргийг хэлэлцэж, шүүх хуралдааныг хойшлуулж шийдвэрлэжээ.

Захиргааны хэрэг хянан шийдвэрлэх тухай хуулийн 74 дүгээр зүйлийн 74.2-т заасныг удирдлага болгон хариуцагчийг шүүх хуралдаанд зайлшгүй оролцуулах шаардлагатай гэсэн үндэслэлээр шүүх хуралдаан хойшилсон байна.

Банкуудын нэхэмжлэлтэй хэргийг хэлэлцэх шүүх хурлыг энэ сарын 30-ны өдрийн 08:40 цагт хийхээр товложээ.

Б.Хүлэг