Унгарын Засгийн газар дүрвэгсдийн эсрэг цэргийн хүч ашиглах хууль баталсан тухай “CNN” агентлаг мэдээллээ. Цэргийнхэнд дүрвэгсдийн эсрэг галт зэвсэг ашиглахгүй байхаар хуульд тусгажээ. Харин нулимс асгаруулагч, даралттай ус, резинен сум ашиглахыг зөвшөөрчээ.
Тус улсын хилийн цэргийнхэн өнгөрсөн долоо хоногт дүрвэгсдийг тараахын тулд даралттай ус болон нулимс асгаруулагч хий ашигласнаас болж олон нийтийн дургүйцэлтэй нүүр тулсан юм. Унгар улс дээрх үйлдлийнхээ төлөө олон улсаас уучлалт гуйхгүй гэдгээ илэрхийлж “Газар нутгаа хамгаалах нь бидний үүрэг” гэж хэлжээ. Унгарын хилийг хууль бусаар давсан дүрвэгсдийг албадан гаргах, шоронд хорихыг дээрх хуулиар зөвшөөрчээ.
Европын холбооны гишүүн орнуудын Дотоод хэргийн сайд, Хууль зүйн сайд нар Белгийн нийслэл Брюссель хотноо өнөөдөр дүрвэгсдийн асуудлаар чуулах юм.
Б.Дэлгэрцэцэг
Уншиж байна |