Иракийн хэт даврагч “Халифын вант улс” бүлэглэл ижил хүйстэн хэмээн 15 настай хүүг таван давхар барилгаас шидэж, аминд нь хүрч буй видео бичлэгээ олон нийтийн сүлжээнд байршуулсан тухай “www.dailymail.co.uk” мэдээллээ.
Амиа алдсан хүү Сири улсын иргэн байсан гэнэ. Өнгөрсөн долоодугаар сард найзынхаа хамт хэт даврагчдад барьцаалагдсан аж. Тэд өнгөрсөн амралтын өдөр оргож байхдаа баригджээ. Хүү баригдах үедээ найздаа хандан “Хоёулаа диваажинд уулзацгаая. Би чамайг үүрд хайрлах болно” гэж хэлжээ. Хүүг ийнхүү хэлсний дараа хэт даврагчид түүнийг ижил хүйстэн хэмээн буруутгаж, олны өмнө цаазлахаар болсон байна.
Бичлэгийн төгсгөлд цэнхэр өнгийн хувцас өмсүүлсэн барьцааны иргэдийг харуулжээ. Тэдний толгойд буу тулгаж буй хэт даврагч “Тэд ариун аллахаас урваж, ижил хүйстнээ сонирхсон” гэж хэлжээ.
Өнгөрсөн наймдугаар сарын 19-нд хэт даврагчид ижил хүйстэн гэх шалтгаанаар 30 залууг хөнөөж, галдан шатаасан билээ. Хэт даврагчид хагас жилийн дотор 115 залууг ижил хүйстэн хэмээн хөнөөжээ.
Б.Дэлгэрцэцэг
| Уншиж байна |