МАН-ын ерөнхий нарийн бичгийн дарга Ж.Мөнхбат, Дархан-Уул аймгийн засаг даргаар ажиллаж байсан С.Насанбат болон тус аймгийн ИТХ-ын төлөөлөгч нар Дархан-Уул аймгийн засаг дарга, Иргэдийн хурлын дарга нарыг хууль бусаар томилсон хэмээн Тусгаар тогтнолын ордонд мэдээлэл хийлээ.
МАН-ын ерөнхий нарийн бичгийн дарга Ж.Мөнхбат хэлэхдээ “Аймгийн ИТХ тэргүүлэгч 11 хүн байдаг 2015 оны 8 сарын 31 ний өдөр лдөрвөн тэргүүлэгч хууль бус хуралдаан зарлаж, ирц хүрсэндп тооцон уулмаар хууль бус 45-49 тоот тогтоолуудыг гаргасан бөгөөд үүний дараагаао 2015 оны 9 сарын 15-ний өдөр аймгийн ИТХ-ын ээлжит бус хуралдааныг мөн хууль бусаар зарлаж хуралдуулсан.
Энэ хуралдаанд МАН-аас нэр дэвшиж, иргэд сонгогчидын итгэл найдварыг авч сонгогдож байсан 8 төлөөлөгч АН-тай эвсэн хуйвалдаж орсон бөгөөд аймгийн Засаг дарга, аймгийн ИТХ-ын даргыг огцруулсан. Улмаар өөрсдийн тохироо хийсэн ёсоор А.Энхболд, П.Эрдэнэбат нарыг сонгосон.
Иймд дээрх хуралд удирдан оролцсон Г.Батбаяр, Н.Лхагвасүрэн, Б.Мөнхбат, Ч.Баярцэцэг, Б.Батжаргал, Л.Амгалан, Д.Дэлгэрбаяр, О.Баттулга нарыг аймгийн Хяналтын хороо, Хяналтын ерөнхий хороонд шалгуулахаар өгсөн байгаа.
Хууль бусаар хурал хуралдуулж, Аймгийн Засаг дарга нэр зүүсэн А.Энхболд нь МАН-ын гишүүн биш гэдгийг юуны өмнө хэлмээр байна. Учир нь 2015 оны 06 сарын 09-ний өдөр А.Энхболд болон Р.Эрдэнэбаяр нартай холбоотой гомдол аймгийн Хяналтын хороонд ирсэн.
Энэ дагуу Хяналтын хороо шалгаад МАН-ын үндсэн дүрмийн 6 дугаар зүйлийн 6.5.4 дэх заалтыш зөрчсөн гэж үзсэн. Ингээд 6 сарын 9-ний өдөр Дархан- Уул аймгийн МАН-ын хорооны тэргүүлэгчдийн хурлаас дээрх хоёр хүнийг намаас гарсанд тооцсон тогтоолыг гаргаж, холбогдох намын анхан шатны байгууллага болох өөрт нь хүргүүлсэн юм.
Дархан-Уул аймагт засгийн эрхийг хууль бусаар булааж авах гэсэн АН-ын үйлдэл хэрээс хэтэрч байна. Аливаа асуудлыг хүч түрэн, шахалт үзүүлж, хүний нэр төрийг гүтгэн доромжлон, хэвлэл мэдээллийн хэрэгслээр удаа дараа худал гүтгэлгийн шинжтэй мэдэгдэл, ярилцлагуудыг гаргаж байна. Мөн цаашлаад Дархан-Уул аймгийн иргэд сонгогчидын өгсөн санал, сонгогчидийн эрх ашгийг зөрчсөн үйлдлүүд гаргаж байна” гэлээ.
Дархан-Уул аймгийн засаг даргаар ажиллаж байсан С.Насанбат хэлэхдээ “Миний бие Дархан-Уул аймгийн Засаг даргын албыг хашдаг байсан. Засаг даргын ажил үүргийн хувиар БНСУ-дп ажиллаж байгаад ирэхэд хууль бус шийдвэр гарч, эрх маань зөрчигдөөд байна.
Хуралдааны шийдвэр хууль бус гэдгийг хэд хэдэн хуулийн зүйл заалтаар тайлбар хийе. Тухайлбал, 2015 оны 8 сарын 31-ний өдөр зарлагдсан байсан ИТХ-ын Тэргүүлэгчдийн хуралирц хүрээгүйн улмаас хойшлогдсон байсан. Гэтэл дөрвөн тэргүүлэгч хууль бусаар хурлыг хүё түрэн хийж, ЗЗНДНТУТХ-ийн 23 дугаар зүйлийн 23.7 “... аймаг, нийслэл, сум дүүргийн хурлын хуралдаанд тухайн хурлын нийт төлөөлөгчдийн олонхи хүрэлцэн ирсэн бол хүчинтэйд тооцно” хэмээн заасан.
Мөн аймгийн ИТХ-ын тэргүүлэгчдийн 2013 оны 09 дүгээр сарын 16-ны өдрийн 72 дугаар тогтоолоор батлагдсан ИТХ-ын “Тэргүүлэгчдийн хуралдааны дэг”-ийн 2 дугаар зүйлийн 1 дэх хэсэгт” ИТХ-ын тэргүүлэгчдийн хуралдааныг ИТХ-ын дарга удирдана. Хурлын даргын эзгүйд ИТХ-ын даргын санал болгосноор аль нэг тэргүүлэгч удирдана”, мөн “Тэргүүлэгчдийн хуралдаанд олонхи ирсэн бол хуралдааныг хүчинтэйд тооцно” гэсэн заалтуудыг илт зөрчсөн байна.
Мөн дээрх хуулийн 25 дугаар зүйлийн 25.2 –д “хурлын болон хурлын тэргүүлэгчдийн тогтоолд хурлын дарга гарын үсэг зурна”, ИТХ-ын “Тэргүүлэгчдийн хуралдааны дэг”-ийн 4 дүгээр зүйлийн 1 дэх хэсэгт “шийдвэрийн төгсгөлд хурлын дарга гарын үсэг зурж, тамга дарснаар хүчин төгөлдөр болно” гэж заасныг зөрчин өөрсдийн гаргасан тогтоолдоо тэргүүлэгч нар гарын үсэг зурж, тамга биш дардас дарсан нь хуулийг ноцтойгоор зөрчиж байна.
Энэ мэт хууль зөрчин хуралдсан хуралдаануудыг хүчингүй болгох асуудлаар хууль шүүхийн байгууллагуудад хандсан. Одоогийн байдлаарх Дархан-уул аймгийн Анхан шатны шүүхээс 2015 оны 8 дугаар сарын 31 –ний өдрийн хууль бус 45-49 дүгээр тогтоолуудын хэрэгжилтийг түтгэлүүлээд байна" гэлээ.
П.Наран