Украины автонамит муж байсан Крымийн хойгийн захирагч Сергей Аксенов өчигдөр Оросын “TASS” агентлагт ярилцлага өгөх үеэрээ Америкийн уран бүтээлч, жүжигчин Анжелина Жолид Крымд хүрэлцэн ирэх урилга явуулсан тухайгаа ярьжээ. Тэрбээр “Бид Жолитой уулзахыг хүсч байна. Энэ гайхалтай уран бүтээлч рүү урилга явуулсан. Жүжигчинг гэр бүлийнхээ хамт Крымд хүрэлцэн ирж, Хар тэнгист амрахыг хүсч байна. Мэдээж хэрэг бидний урилгыг хүлээн авах нь Жолигийн эрх. Татгалзах эрх ч бий” гэж хэлжээ.

Тус ярилцлагын дараа жүжигчин бүсгүй өөрийн твиттерийн тусламжтай гэр бүлийнхээ хамтаар Крымд зочлохоо мэдэгдэж “Нэр төрийн хэрэг” гэж жиргэсэн байна. Жүжигчин бүсгүйн хэвлэлийн төлөөлөгч Жеймс Лоуранс “Жоли ганцаараа Крымд очих болно. Яг одоо тэрбээр хоёр ч уран бүтээлд ажиллаж байгаа. Зул сараас өмнө Крымд очно” хэмээжээ.

Крымийн хойгийн асуудлаас болж АНУ-ын удирдлагууд Оросын эсрэг хориг тавьсан билээ. Улс төрөөс болж урлагийнхан Орост уран бүтээлээ туурвих боломжгүй болоод байгаа юм.

Ирэх сарын 5-11-ний хооронд Дэлхийн боксын хүнд жингийн аварга, АНУ-ын боксчин Майк Тайсон Крымд зочлох билээ.

Б.Дэлгэрцэцэг