Эдүгээ Чойжин ламын сүм музейд Их Хүрээ, Манзушир, Чойр хийцийн болон нэр нь үл мэдэгдэх урлаачдын бүтээсэн цамын 80 гаруй баг, хувцас хэрэглэл хадгалагдаж байна. Энэхүү бүтээлүүдээс дахин давтагдашгүй сор болсон 45 бүтээлийг  дээжлэн “Цам” цомгийг бүтээжээ. Энэхүү цомгийн нээлтийг “Монгол төрийн сахиусны цам” үзэсгэлэнтэй хамтатган хийхээр болжээ.

Үзэсгэлэн, цомгийн нээлт энэ сарын 09-ний өдрийн 11:30 цагт Чойжин ламын сүм музейд болно.