УИХ-ын чуулганы нэгдсэн хуралдаан хугацаа сунган хуралдаж байна. Хуралдаанаар  Ерөнхийлөгч Ц.Элбэгдорж Газар хөдлөлийн асуудлаар мэдээлэл хийж байна. Тэрбээр:

-Өнгөрсөн бямба гаригт 15.30 цагт Улаанбаатар хотын орчимд 4.5 магнутын газар хөдөлсөн. Энэ талаар иргэд маш их санаа зовсон. Гэтэл үүнд Ерөнхийлөгч, Ерөнхий сайдын түвшинд уялдаа холбоотой байх ёстой. Энэ бол байгалийн дохио. Улаанбаатарыг тойроод газар дор хагархай цав байдаг.  Зургаан газрын тав дээр нь 7 магнитын хөдлөлт болох магадлалтай. Хоромхон зуур секундэд газар хөдөлж байгаа учраас Монголд байтугай олон улсад урьдчилан мэдэх боломжгүй.  Хэрвээ газар хөдөлвөл урьдчилан мэдээлэх ямар ч боломжгүй. Манай хүн амын 40 хувь нь суурьшсан нийслэлд 7 баллаас дээш газар хөдөлвөл юу болох вэ? Газар хөдлөл маш олон шалтгаанаар үүсдэг. Тооцоолж болохгүй тал нь 90 хувьтай байдаг.  6.6 магнитудад газар хөдлөхөд Улаанбаатар хотын нийт барилгын 40 хувь нь нурна гэсэн судалгаа гарчээ. Чилид 8.8 хувийн газар хөдлөхөд нийт нутаг дэвсгэрийнх нь 80 хувь хамрагдсан байдаг. Тиймээс айл өрх, байгууллага, ирэн бүр бэлтгэлтэй байх ёстой. Газар хөдлөхөд хохиролгүй гарсан улс гэж байхгүй. Манайд 8 баллаас дээш газар хөдлөлтөд барилга байшин, зам сүлжээ тэсвэртэй байх ёстой гэлээ.

Н.Энх