Британийн угсаа залгамжлах ханхүү Уильямын гэргий, гүнж Кейт Миддилтон өнгөрсөн тавдугаар сарын эхээр хоёр дахь хүүхдээ төрүүлсэн билээ. Ханхүү бяцхан гүнжээ Шарлотте Элизабет Диана хэмээн нэрлэсэн юм. Дианаг төрүүлснээс хойш Кейт Миддилтон олны өмнө гараагүй байсан. Тэрбээр өчигдөр олны өмнө гарч, ард түмэнтэйгээ мэндчилсэн тухай “www.dailymail.co.uk” мэдээллээ.

БНХАУ-ын дарга Си Зиньпин тус улсад дөрвөн хоногийн хугацаатай төрийн айлчлал хийж байгаа бөгөөд өчигдөр Букингемийн ордонд зочилсон юм. Хатан хааны гэр бүл Си дарга болон түүний гэргий Пөн Ли Юанийг хүлээн авч, оройн зоог хамтдаа барьцгаажээ. Гүнж, Си даргатай тусдаа уулзаж, соёл, урлагийн асуудлаар өөрсдийн байр сууриа солилцсон байна.

Таван сарын дараа олны өмнө гарч буй гүнж  Кейт улаан өнгийн даашинз өмсч, 1920 онд хатан хааны ээж Стратморе Росийн зүүдэг байсан “Энх цаг” гэх титмийг зүүжээ. Гүнж 2013 онд ханхүүг төрүүлсний дараа хатан хаан дээрх титмийг түүнд бэлэглэсэн юм.

Б.Дэлгэрцэцэг