Оросын “TASS” агентлаг Синайн хойгт осолдсон “Airbus А321” онгоцны ослын талаар мэдээлжээ.

 

 

• Өнгөрсөн сарын 31-нд Москвагийн цагаар 6.51 цагт Оросын “Когалыавиа” компанийн “Airbus A321” онгоц осолджээ.

 

• Ослоор 244 хүн амиа алджээ.

 

• Сүүлчийн нислэг 23 минут үргэлжилсэн байна.

 

• Амиа алдагсдын дунд 1-11 насны 25 хүүхэд зорчиж явсан байна.

 

• ОХУ-ын Ерөнхийлөгч В.Путин ослын буруутанг олохыг тулд Синайн хойг руу шинжээчдийн баг илгээсэн байна.

 

• Орос болон Украин өчигдрийг үндэсний гашуудлын өдөр болгожээ.

 

• “Бүх зорчигч амиа алдсан” гэх мэдээллийн дараа Москва болон Санкт-Петербург хотын иргэд төв талбайдаа цугларч, амиа алдагсдад хүндэтгэл үзүүлжээ.

 

• Египетийн талаас мэдээлснээр өчигдөр 19.50 цагт Оросын 100 гаруй шинжээч, тусгай техник төхөөрөмжийн хамтаар ослын газар хүрэлцэн ирсэн гэв.

 

• Шинжээчид 30 хавтгай дөрвөлжин километр газарт эрлийн ажиллагаа явуулж байна.

 

• АНУ-ын Иргэний нисэхийн сүлжээний аюулгүйн зөвлөлөөс мэдээлснээр онгоц агаарт дэлбэрсэн гэж мэдээлжээ.

 

• Мэргэжилтнүүд хэт даврагчдын твиттер хуудастаа нийтэлсэн бичлэгийг шалгаж эхэлсэн байна.

 

• Хэвлэлүүд хэт даврагчдыг дээрх осолтой холбоотой хэмээн мэдээлж байгаа бол Орос, Египетийн удирдлагууд тэднийг холбоогүй хэмээв.

 

• Иракийн хэт даврагч “Халифын вант улс” бүлэглэл дээрх ослыг захиалсан болохоо мэдэгдэв.

 

• Хар хайрцагны мэдээллийг тайлахад Орос, Францаас тусламж хүсчээ.

 

• Ойролцоогоор гурван улсын 20 гаруй мэргэжилтэн хар хайрцагны мэдээллийг тайлж эхэлжээ.

 

• ОХУ-ын Тээврийн яамнаас мэдээлснээр нэг хар хайрцаг дэлбэрэлтээс үүдэж, бага зэрэг гэмтсэн гэв.

 

• Ослын газар Оросын 104 болон Египетийн 147 аврагч ажиллаж байна.

 

• Одоогоор осолдсон онгоцны сэгээс 127 зорчигчийн цогцсыг гарган авчээ.

 

• Зорчигчдын цогцсыг өчигдөр Санкт-Петербург хотын Пулково онгоцны буудалд авчирч,  хохирогчдыг таних ажиллагааг явуулж эхэлжээ.

 

• Осолдсон онгоцонд оросын 213, украины дөрөв, беларусийн нэг иргэн зорчиж явжээ.

 

• Ослоор нэг гэр бүлийн 11 гишүүн амиа алджээ.

 

• Осолдсон онгоц техникийн асуудалтай байсан хэмээн гэрчүүд баталсан учир цагдаа нар “Когалыавиа” компанийн удирдлагуудыг түр хугацаагаар саатуулсан байна.

 

• Ослын шалтгаан тодорхой болох хүртэл “Emirates”, “Air France”, “Lufthansa” зэрэг авиа компаниуд Синайн хойгийн чиглэлийн бүх нислэгээ тодорхойгүй хугацаагаар зогсоожээ.

 

• АНУ-ын Ерөнхийлөгч Барак Обама, Германы Канцлер Ангила Меркел, Францын Ерөнхийлөгч Франсуа Олланд болон дэлхий 11 орны төрийн тэргүүн хохирогчдын гэр бүлд эмгэнэл илэрхийлжээ.

 

• Онгоц осолдож, Орос даяар гашуудаж буй ч тус улсын тусгайгийнхан Сири дэх цэргийн ажиллагаагаа үргэлжүүлсээр байна.

 

Б.Дэлгэрцэцэг