2016 оны Мөнгөний бодлогыг баталлаа
2015-11-13

УИХ-ын чуулганы нэгдсэн хуралдаан эхэллээ. Хуралдаанаар 2016 оны мөнгөний бодлогыг хэлэлцэж байгаа юм.  Улсын төсөв мөнгөний бодлоготой уялдах ёстой.  Төсвийн алдагдал 3.4 хувьтай буюу 800 хүртэл тэрбум төгрөг байхаар батлагдаж байгаа аж. Гишүүд үүнд шүүмжлэлтэй хандаж байлаа.  Үүнд Монгол банкны Ерөнхийлөгч Н.Золжаргал:

 

-2016 оны төсвийг хэлэлцүүлж байх явцад олон зүйл дээр асуулт гарсан. Бид бичгээр  зөвлөмжөө хүргүүлсэн. Төсвийн орлогын талаар эрсдэл байгаа талаар дүгнэлтээ өгсөн. Төсвийн алдагдал дээр орлогын төсөөлөл эрсдэл дагуулах  магадлалтай. Төсвийн хэрэгжилтэд эрсдэл байна. Нийт эдийн засагт энэ нь сөргөөр нөлөөлөх юм.  ДНБ-ий энэ оны гуравдугаар улирлын дүн гарсны дараа төсөөлөл өөрчлөгдөх байх. Төсвийг ийм өндөр алдагдалтай батална гэсэн төсөөлөл байгаагүй. Тодорхой боломжууд хязгаарлагдах юм байна гэлээ.

 

Ийнхүү гишүүд асуулт тавьж хариулт авсны дараа 2016 оны Мөнгөний бодлогыг баталлаа.

 

Н.Энх

Shuud.mn
Сонин хачин