Парис хотноо болсон цуврал халдлагын хариуцлагыг Иракийн хэт даврагч “Халифын вант улс” бүлэглэл хүлээсэн тухай “Ройтерс” агентлаг мэдээллээ. Тус бүлэглэл өөрийн твиттер хуудсаараа дамжуулан “Бид Парисын халдлагыг үйлдсэн. Тун удахгүй бид эргэн ирэх болно” хэмээн жиргэжээ.
Парисын тусгай хүчин “Энэхүү халдлагатай хэт даврагчид холбоотой хэмээн мэдэгдэж байгаа ч тус бүлэглэл холбоотой эсэх нь одоогоор тодорхойгүй байна. Бид халдлага үйлдсэн хэт даврагчдын мэдээллийг цуглуулж, хохирогчдоос аман зураг авсан. Цагдаа нар халдагчдыг устгасан” гэж мэдэгджээ. Ойролцоогоор 10 гаруй этгээдийг буудан хөнөөсөн аж.
Халдлагын дараа Парис хотноо өндөржүүлсэн бэлэн байдал зарлаж, шөнийн цагаар ажилладаг худалдааны төв, зах, дэлгүүр, ресторан, клуб зэргийг хааж, иргэдийг тарааж эхэлсэн байна.
Парис хотын дарга “Хотыг хамгаалалтадаа авсан. Тусгайгийнхан халдлагын эздийг олохоор ажиллаж байна. Одоогоор аль зэвсэгт бүлэглэл халдлага үйлдсэн нь тодорхойгүй байна. “Халифын улс” халдлагатай холбоотой эсэхийг тогтоогоогүй байна” гэж хэлжээ.
Б.Дэлгэрцэцэг
Уншиж байна |