Шатахууны үнийг бууруулах боломжтой
2015-11-18

УИХ дахь МАН-ын бүлгээс долоо хоног бүр зохион байгуулдаг мэдээллийн "Морин цаг"-т УИХ-ын гишүүн Я.Содбаатар оролцож, бензин шатахууны үнийг бууруулах боломжийн талаар мэдээлэл хийлээ. Дэлхийн зах зээл дээр үнэ нь огцом буурсан нефть бүтээгдэхүүнтэй холбогдуулан манай дотоодын зах зээлийн үнийг бууруулах, улсын хэмжээнд ижил үнэтэй болгох шаардлагыг МАН-ын бүлгээс удаа дараа Засгийн газарт тавьсаар ирснийг тэрээр мэдээлэлд онцлов.

 

Я.Содбаатар гишүүн хэлэхдээ "Төсвийн тодотгол хэлэлцэх үеэр эрх баригчид шатахуун, дизелийн онцгой, гаалийн албан татварыг нэмэгдүүлэх санал оруулж ирсэн. Ингэснээр 2015 оны аравдугаар сараас бензиний импортын онцгой албан татварын дээд хязгаарыг тонн тутамд гурав дахин буюу 777 мянга, дизелийнхийг 795 мянган төгрөгөөр тогтоосноор нефть бүтээгдэхүүний үнэ буурах боломж хаагдсан. Засгийн газар шатахууны онцгой албан татвараас он дуустал 61 тэрбум, ирэх онд 200 тэрбум төгрөг орж ирнэ гэж төлөвлөж, энэ мөнгөөр төсвийн алдагдлыг нөхнө гэж тооцоолж байгаа юм байна. Өөрөөр хэлбэл, эрх баригчид төсвийн алдагдлыг ард иргэд, аж ахуйн нэгжүүдийн халааснаас авах байдлаар нөхөх гэж байгааг МАН-ын бүлэг дэмжээгүй" гэлээ.

 

2014 оны тавдугаар сард дэлхийн зах зээл дээр нэг баррель нь 112 ам.долларт хүрсэн газрын тосны үнэ тогтмол буурсаар 2015 оны нэгдүгээр сард 63 ам.доллар, өнөөдөр 42 ам.доллар болоод байна. Үүнтэй холбогдуулан манай улсад шатахууны үнийг нэг литр тутамд 250-310 төгрөгөөр бууруулах боломжтой гэсэн тооцоо гарсныг Я.Содбаатар гишүүн онцлов. Хэрвээ шатахууны үнийг ингэж бууруулсан бол бүх аж ахуйн нэгж, бараа бүтээгдэхүүний үйлчилгээний үнэ буурахад нөлөөлөх төдийгүй ард иргэдийн амьдралд дэмжлэг болохуйц нөхцөл бүрдэх байсан. Гэвч эрх баригчид шатахууны онцгой албан татварыг нэмэх байдлаар асуудалд хандсаныг шүүмжлэв. 2013 онд бензиний хилийн үнэ 1200 орчим ам.доллар байсан бол өнөөдөр 500 гаруй болж хоёр дахин буурсныг ч тодотгосон юм. Мөн шатахууны үнийг улсын хэмжээнд ижил болгох МАН-ын санаачилгыг онцоллоо.

 

Дэлхийн зах зээлд шатахууны үнэ буурсантай холбогдуулж ОХУ дотоодын шатахууныхаа үнийг 49, БНХАУ 41, АНУ 16, Хонконг 43, Вьетнам 28, Швед 29, Герман 30 хувиар тус тус бууруулаад байгаа аж.

 

Н.Нягт

 

Shuud.mn
Сонин хачин
zochin:
urd ni eniigee yarij buuruulj baihgui yasiin odoo boditoor buuruulaach ee yostoi songuuliin show gej harahar ym bna iim ymiig heldeg baih une.g buuruulj zev golidrold oruulah ug ni ta nariin ajil bmaar ym
2015-11-19
Зочин:
Шатахууны унийг бууруулах боломжтой гээд менч олон удаа бичицгээж ярьцгаах юм!!! Тэгээд бууруулах боломж байгааг дарга нараас аль емне амбасын уед монголын ард тумэн мэдэж байсан!Тэнэг мулгуу гэж энэ ард тумнийг едер бур доромжилж басаж байхын оронд наад шатахууныхаа унийг бууруулчихлдаа тэгээд! Худлаа хуцацгааж, том том баацгаасан муусайн пнуудаа!!!
2015-11-18
Бамбий:
Энэ одоо аль хэдийнээ буух ёстойш
2015-11-18
Уншигч:
МАН-ыг шүүмжилдэг болохоор надад сэтгэгдэл бичих боломж өгөхгүй байгаа юм аа даа? Тэгвэл Хариулах дотор нь л бичээд суухаас...
Уншигч:
МАН балиар пи-ар явуулахаа болиосой. Үнэ нь өсч байх үед үнэ тогтворжуулах хөтөлбөр боловсруулж, мөнгө зарцуулж байж нефть, бензин, валютын ханшаа хөөрөгдөлгүй тогтоож авсныг мартаагүй л байгаа. Өчигдрөө умартсан, маргаашаа харах чадваргүй намыг сөрөг хүчин ч гэж нэрлэх хаашаа...