Туркийн хүмүүнлэгийн тусламж тээвэрлэж явсан 20 ачааны машин агаарын дайралтад өртсөн тухай “www.rt.com” мэдээллээ. Энэхүү мэдээллийг хүний эрхийн “Humanitarian Relief Foundation (IHH)” гэх байгууллага баталж байна. Тус байгууллага өөрийн твиттер болон фэйсбүүк хуудсаараа дамжуулан ослын газрын зураг, бичлэгийг цацжээ.
Гал сөнөөгчид автомашинуудад гарч буй галыг унтрахаар ажиллаж байна. Цуваа Сирийн Азаз хотноо амьдарч буй дүрвэгсэд руу орчихоор явж байхдаа дайралтад өртжээ. “Анадолу” агентлаг “Ослоор долоон хүн амиа алдаж, 10 хүн гэмтэж, эмнэлгийн тусламж авч байна” гэж мэдээлэв.
Туркийн өдөр тутмын “Cumhuriyet” гэх сонин дээрх ачааны машинуудад хоол хүнс бус зэр зэвсэг тээвэрлэж явсан хэмээн мэдээлсэн билээ. Энэхүү мэдээллийг Анкарагийн удирдлагууд эрс үгүйсгэж, нийтлэл бичсэн сэтгүүлч болон сонины эрхлэгчийг цаазаар авахыг шаардсан юм. Мөн Ерөнхийлөгч Эрдагон хүртэл сэтгүүлчдийг эх орноосоо урвасан хэмээн буруутгажээ.
Хүмүүнлэгийн цувааг Оросууд бөмбөгдсөн гэх мэдээлэл цацагдаад байгаа ч энэхүү мэдээллийг батлах баримт хараахан олдоогүй байна.
Б.Дэлгэрцэцэг