УИХ-ын чуулганы нэгдсэн хуралдаанаар ҮХЦ-ийн дүгнэлтийг хүлээж авсан УИХ-ын тогтоолд Ерөнхийлөгчийн тавьсан хоригийг хэлэлцэж байв. Ерөнхийлөгчийг хоригийг хүлээж авахыг дэмжсэн байнгын хорооны дүгнэлтийг гишүүн Х.Тэмүүжин танилцуулсан юм. Ингэхдээ байр сууриа илэрхийлсэн байнгын хорооны гишүүдийн нэрсийг дурдсанаас, хэлсэн үгийг нь орхигдуулан танилцуулсныг гишүүн Ё.Отгонбаяр онцолж, “Байнгын хорооны хуралдаанаар дээрх асуудлыг хэлэлцэх үед гишүүн Ё.Отгонбаяр, Ө.Энхтүвшин, З.Баянсэлэнгэ нар санал гаргасан гэлээ. Ямар санал гаргасныг нь дурдсангүй. Дүгнэлтэд дээрх гишүүд Ерөнхийлөгч хэлбэр талаасаа УИХ-ын тогтоолд хориг тавьж, агуулга талаасаа ҮХЦ-д хориг тавьж байна гэдгийг анхаарах санал гаргасан байсан. Гэтэл Х.Тэмүүжин гишүүн зөвхөн гишүүдийн нэрсийг дурдлаа” гэсэн юм. Үүн гишүүн Х.Тэмүүжин “Таны хэлснийг хүлээж авч байна. Саяхан чуулганы хуралдаан дээр УИХ-ын гишүүн Ц.Нямдорж байнгын хорооны дүгнэлтийг танилцуулахдаа товчлоод уншчихаж байсан юм. Тиймээс Ц.Нямдорж гишүүнээс үлгэр жишээ аваад сая товчлоод уншсан. Буруу хүнээс үлгэр авч дүгнэлтийг товчлоод уншсандаа харамсаж байна” хэмээн уучлал хүсэв.
Н.Нягт