МАХН-ын дарга Н.Энхбаяр Шадар сайдаар ажиллаж, Ц.Оюунбаатарыг Эрүүл мэндийн сайд болгоно гэсэн яриа саарал ордонд эрчээ авлаа. МАХН-ын албан тушаалтнууд үүнийг үгүйсгэж байгаа ч ийм яриа хэлцэл дээгүүрээ явагдсан гэдэг нь тодорхой байгаа юм.
МАХН-аас Эрүүл мэндийн сайдад нэр дэвшсэн Л.Жамбалжавыг Ерөнхий сайд хүлээж аваагүй. Өөрийг нь хүлээн зөвшөөрөхгүй байгаа Ерөнхий сайдад анхаарал хандуулж өгөхийг Л.Жамбалжав намын даргаасаа хүссэн ч би Шадар сайд болно гэсэн хариулт өгсөн тухай яриа ч гарчээ. Хэрвээ энэ үнэн бол, даанч дээ гэж хэлэхээс өөр арга алга. Монгол төрийг хүссэнээрээ удирдаж, тоглоом болгож байгаа МАХН-д АН ямар өртэй хэрэг вэ.
Ц.Нямдорж гишүүний хэлсэнчлэн, монгол төрийн сайдын суудал овооны хадагнаас ч хямдхан болчихсон хэрэг үү. Саяхан л үнэт зүйлээ эрхэмлэж ажиллана хэмээн ам тангараг өргөж байсан Ц.Оюунбаатар юуны учир намын даргадаа тал засах болов. Ерөнхий сайдаа энэ төрд шалгуур гэж зүйл байна уу. Сайдын суудлаар юу ч хамаагүй наймаалцаж болдог болсон хэрэг үү. Н.Энхбаяр Шадар сайд болохдоо биш. Зургаахан сарын хугацаанд танхимын сайдуудаа улс төрийн шантаажаас болж хэд солих вэ гэдгийг асууя.
Эх сурвалж: www.mminfo.mn